УЛС ТУНХАГЛАСНЫ ОЙН АРГА ХЭМЖЭЭ ЗОХИОНИБАЙГУУЛАГДЛАА.

УЛС ТУНХАГЛАСНЫ ОЙН ӨДӨРТ ЗОРИУЛСАН БАРИЛДААН БОЛЛОО

Анхдугаар үндсэн хуулиа баталж, Бүгд найрамдах улсаа зарлан тунхагласны 100 жилийн ойд зориулсан аймаг, сумын цолтой 32 бөхийн барилдаан Увс аймгийн бөхийн өргөөнд боллоо.

Барилдааныг Аймгийн ИТХ-ын дарга П.Баттулга нээж, Ойрад театрын уран бүтээлчид ая дуугаа өргөн барилаа.

Барилдаанд Түргэн сумын харъяат “Улаангом дэвжээ” “Тоосгон уул” ХХК-ийн бөх Аймгийн арслан Ганжуурын ЦОГГЭРЭЛ түрүүлж, Тэс сумын харъяат Аймгийн заан Очирын БАЯРЦОГТ үзүүрлэв. Их шөвөгт Тэс сумын харъяат Аймгийн БТСГ-ын бөх Аймгийн арслан Б.Бадарч, Аймгийн Цагдаагийн газрын бөх Аймгийн начин Б.Буяндэлгэр нар үлдлээ.

Аймгийн Үндэсний бөхийн холбооны тэргүүлэгчдийн зүгээс Аймгийн ИТХ-ын даргаар ажиллаж байгаа, Аймгийн бөхийн холбооны тэргүүн, Аймгийн заан Пүрэвийн БАТТУЛГА-д хүндэтгэл үзүүлж, ажилд нь амжилт хүслээ.